Klere vir skoolkinders
2005-07-28
GRYS skoolbroeke- en sokkies sal baie welkom wees by die Berg-en-Dal Laerskool in Suid Agter-Paarl.
Die Paarlse Junior Stadsraad neem elke jaar ’n skool aan waarvoor hulle klere en ander voorraad help bymekaarmaak. Vanjaar is dit Berg-en-Dal.
Benewens grys broeke en sokkies, kan donkerblou rompies en wit hemde ook geskenk word. Enige tweedehandse klere en skoene sal ook welkom wees, sê organiseerder Brenda Pagel.
Ook smeergoed wat middae op die kinders se toebroodjies gesmeer kan word, sal baie welkom wees.
Die goedere kan Maandag tot Vrydag tussen 10:00 en 12:00 by die Heemkring, Hoofstraat 214, Paarl, afgegee word.
More
News
|
