TERWYL ek onlangs op wat eens ’n teerpad was, naby Paarlstasie verby Clift, ry, het ek myself afgevra wat doen ons Munisipaliteit dat paaie, al is dit dan ’n agterbuurt, in so ’n toestand van verval kan wees.
’n Paar minute later moes ek na Courtrai, en kan jy glo, bo in Flambeaustraat staan ’n groot munisipale trok met ’n bestuurder gerieflik agter die wiel, en veertien (ja, regtig), straatskoonmakers besig om die netjies geteerde sypaadjies letterlik af te stof.
Elke blaartjie in die slootjies word opgetel, terwyl die Suidoos heerlik blare aanwaai.
