Bring jou kant om kankerlyers te help
2005-08-04
HELP ons om kanker te bestry en lewens te red. Dit is die boodskap van die Kankerver-eniging van Suid-Afrika (Kansa) wat vrywilligers vra om deel te word van hulle “Champions 4 Cansa”-veldtog tydens Kankervoorkomingsweek van 1 tot 7 Augustus.
“’n Kankerdiagnose is nie ’n doodsvonnis nie, maar die begin van ’n nuwe lewenswyse,” sê Kansa se Hoof Uitvoerende Bestuurder, Niamaat Gamildien.
Tree met jou naaste Kansa-kantoor (876-2589) in verbinding om vas te stel hoe jy kan help om mense met kanker te ondersteun.
Vir advies of inligting oor kanker en Kansa-dienste; om ’n donasie te maak; of om deel te word van die “Champions”-veldtog, skakel die tolvry Inligtingsdiens by 0800 22 66 22; besoek www.cansa.org.za.
* Kansa bied môre van 09:00 tot 14:00 ’n gesondheidsdag aan in die Pick ’n Pay-sentrum in die Paarl.
Kom leer meer oor die voorkoming en vroeë opsporing van kanker.
Meer inligting sal verskaf word oor dieet en kanker, velkanker, gesondheidsrisiko’s van tabak, vrouegesondheid (bors/serviks) en mansgesondheid (prostaat/testikulêr).
More
News
|
