ONTSPAN ná ’n warm, woelige somer op ’n heerlike herfsdag op Nederburg. Geniet ’n gemoedelike jazz-konsert op 4 April van 11:00 tot 15:00 in die pragtige tuin voor die historiese opstal.
Teug aan ’n vonkelwyntjie, luister na die klanke van Gary Deacon se Sound Imagination-orkes en peusel aan die keurigste braai-happies wat voorberei is met al die hartlikheid en gasvryheid waarvoor Nederburg beroemd is.
Nederburg-wyne gaan ook as pryse weggee word.
Die prys is R160 (insluitend ’n glas vonkelwyn by aankoms, konsert, braai-piekniek en ’n bottel Nederburg-wyn vir twee mense), R80 (net die konsert) en R50 (konsert en kinderporsie van die braai-piekniek vir kinders jonger as 12 jaar oud).
Daar is ’n beperkte aantal plekke, dus is ’n bespreking noodsaaklik.
Kontak Sunette Rust by 021-862-3104 of stuur ’n e-pos na nedwines@distell.co.za.
