Wellington gefnuik
2009-03-05
IN ’n opwindende vriendskaplike rugbywedstryd op Boland-stadion het Helderberg met ’n verbete eindpoging gekom om die span van Wellington/CPUT met 29-40 te klop. Die wedstryd was ’n stryd van twee helftes, met Wellington wat aanvanklik rustyd met 19-0 voorgeloop het. Na rustyd het Helderberg egter die bordjies verhang en veral in die laaste tien minute met ’n blitzkrieg van drie langafstand-drieë vorendag gekom. Voor rustyd het die tuisspan se voorspelers die botoon gevoer met drieë deur Bennie Botes (stut), Heinrich Petzer (flank) en Hentaz Kotze (senter), asook twee doelskoppe deur die kaptein, Nicus Berg (heelagter). Na rustyd was dit egter ’n perd van ’n ander kleur toe Helderberg ses keer agter die tuisspan se doellyn gaan kuier het. Bergh het in dié helfte met ’n strafdoel en ’n verdoelde drie geslaag. Saterdag speel Wellington/CPUT op George, teen George Rugbyklub.
More
News
|
