ONS is altyd so vinnig om te kla, maar huiwer as dit kom by erkenning gee aan diegene wat dit verdien.
Dus wil ek graag die lede van Paarl polisie wat verbonde is aan Sektor 3 bedank vir hul flink diens.
’n Paar keer was daar insidente hier by ons, en binne enkele minute was hulle op die toneel.
Dan wil ek graag dankie sê aan mnr Bester en sy span van die munisipaliteit vir hul spoedige optrede toe ons water die ene modder was.
Dalk as ons minder kla en meer positief optree, sal dienslewering oral verbeter.
Ina Marais
