ONS wil graag almal bedank wat so wonderlik gehelp het om die vuur om ons huis te blus en sommer net vir die ondersteuning.
’n Spesiale dankie ook aan die brandweer. Sonder om te huiwer was die ouens teen die berg uit om ons eiendomme te beskerm en laaste, maar definitief nie die minste nie - die loodse van die helikopters.
Sonder die hulp van díé mense sou ons sonder om te twyfel voorverlede Saterdag baie groot skade aan ons erf teen Paarlberg gehad het.
Dankie aan vriende wat ons kleinkind en honde kom wegneem het - hulle was sterre op presies die regte oomblik!
