Lovelife Spele in Paarl
2005-08-04
DIE Weskus-Wynland-streek se LoveLife Spele 2005 vir skole word dié naweek in die Paarl aangebied by die Boland Park Krieketstadion in samewerking met die Departement Sport en Kultuur en die Departement van Onderwys.
Registrasie is Vrydag van 16:00 wanneer fietsry ook aangebied sal word. Saterdag om 08:30 is die amptelike opening voordat die verskillende sportkodes teen mekaar meeding.
Elf kodes word aangebied, met gestremde leerders wat vir die eerste keer ook sal deel neem. Die kodes sluit in sport, dans, sing, drama en kuns in die ouderdomsgroepe onder en bo 13 jaar (tot 17 jaar).
Plaaslike jeugorganisasies kan ook inskryf by die kompetisies en aktiwiteite.
Fietsry vir gestremdes sal Vrydagmiddag asook Saterdagoggend plaasvind.
Leerders wat wen sal deurgaan na die Provinsiale Spele in Worcester. Deelname is gratis en vervoer word ook deur loveLife gereël. Navrae: Willie 862-3480 (w) of 073-599-7022.
More
News
|
