DIE Kaapse vrou wat haar Tik-verslaafde seun vermoor het, sal Maandag om 19:00 ’n praatjie lewer by Wellington Stadsaal.
Ellen Pakkies is verlede jaar skuldig bevind aan die moord, maar is ’n opgeskorte vonnis opgelê.
Deskundiges meen dat Pakkies ’n jarelange slagoffer was van haar kind se dwelmmisbruik. Sy is deur hom besteel en aangerand en hierdie mishandeling het uiteindelik vir haar laat knak.
Ouers wat dwelmverslaafde kinders het, asook die breë publiek word genooi om na die toespraak te luister, het ’n polisiewoordvoerder gesê.
Busse sal van 18:30 mense oplaai by die hoek van Russell- en Springbokstrate, asook Shah’s Corner en Mannie’s Superette in Blossomstraat.
