Paarl Rugbyklub stel nuwe krag ten toon
2009-03-19
DIE senior spanne van Paarl Rugbyklub het Saterdag ’n duidelike boodskap aan al hul opponente uitgestuur toe al drie spanne tydens Goodwood se rugbydag aan die wenkant was. Die eerste span het veral gewys dat hulle vanjaar ’n krag gaan wees toe hulle as oorwinnaars getree het uit die hoofwedstryd van die dag teen Goodwood. Paarl het met 38-26 gewen. Wat dié oorwinning so besonders maak, is die feit dat Goodwood in ’n liga bo Paarl speel, wat ’n aanduiding is dat die manne in blou groener weivelde in sig het. Paarl se tweede span het ’n maklike 50-5 oorwinning oor Langa behaal, terwyl Paarl se derde span met 14-5 baas was teen Goodwood III. Paarl se o.20’s het net-net vasgeval met 15-20 teen Goodwood se o.20’s.
More
News
|
