Stones sien sterre
2009-03-26
RIVERSTONES se eerste rugbyspan het Saterdag met 10-15 vasgeval teen Blue Stars van Klapmuts. Die wedstryd is op Klapmuts beslis. Hoewel Stones goed gevaar het voorlangs, het die besoekers se verdediging hul plek-plek in die steek gelaat. Die agtsteman van Riverstones, Ulen Claasen, het egter ’n puik wedstryd gespeel. Hy is met twee drieë beloon vir sy harde werk. Riverstones se tweede span het 7-0 gewen. Riverstones hou eerskomende naweek ’n oefenkamp te Victor Verster. Die klub bied Saterdagaand ’n dans aan by Allandale teen R10. Die ondersteunersklub van Riverstones hou Sondagmiddag om 15:00 ’n vergadering by Elizabeth Seconds se woning.
More
News
|
