WELLINGTON Gemeenskapsgesondheidsentrum in Dr Abduraghmanlaan, Wellington, bied in samewerking met Drakenstein Subdistrik Gesondheidsdienste en Gesondheidskomitee ’n Gesinsgesondheidsdag op 28 Maart vanaf 09:00 tot 13:00.
Dienste soos papsmere, borsondersoeke, vrywillige HIV berading en toetsing, opvoedkundige praatjies rakende die hantering van dwelmafhanklikes, dieetvoorligting, tandheelkundige dienste, gesinsbeplanning word aangebied asook ’n TB uitstalling en vermaak.
Alle belangstellendes is welkom om die dag saam te kom geniet. Vir navrae, kontak suster Christal Bastian by 021-872-1711 of suster Minnaar by 021-864-9700.
