IN Februarie het die eienaar van die Paarlse restaurante Perola en Meat on Main, Carlos, ingestem om ons wyn in sy restaurant Meat on Main, te verkoop.
Ek het die wyn gaan aflewer en Rayan het beloof om sommer dadelik ’n internetbetaling te maak.
Teen Maart was daar nog niks en ek het begin oproepe maak, uiteindelik fakse en e-posse gestuur, maar slegs leë beloftes of geen antwoord gekry nie.
Carlos was net nooit beskikbaar nie, en al het Karin van Perola beloof dat Carlos sal betaal/terugskakel, het hy uiteraard nooit.
Natuurlik het hy al toe besef dat sy restaurante in die moeilikheid is en wou nie skuld betaal nie.
Aan Carlos en al die ander bedrieërs met gladde monde en vriendelike glimlaggies: Sies, julle steel van ons wat met moeite en baie liefde die beste wyn maak.
Hoe sou jy daarvan hou as ons nie ons rekening vereffen het elke keer wanneer ons en ons vriende by jou restaurante kom eet het nie? Het iemand daar buite dalk vir my enige raad?Geskok
