Paarl Muurbalklub aan wenkant
2009-04-30
DIE Paarl Muurbalklub se eerste man- en damespanne het verlede week goeie oorwinnings oor hul onderskeie opponente behaal. Die manspan het met 11-7 geseëvier oor UCT terwyl die dames hul wedstryd teen Villagers met 12-6 gewen het. Paarl se dames tweede span het 14-3 gewen teen Maties. Paarl se tweede, derde en vierde man-spanne het onderskeidelik vasgeval teen Malmesbury (4-12), Oakdale (8-12) en Villagers (1-14). Die vyfde-, sesde-, sewende- en agtste spanne het onderskeidelik geseëvier teen Distell (13-5), Villagers (12-7), Villagers (8-6) en Evertsdal (10-7). Paarl se negende span het 3-14 verloor teen Durbanville.
More
News
|
