DIE Paarl Hospitaal se Verloskunde/Ginekologie Spesialiskliniek het amptelik op 8 Junie geopen. Dit was voorheen geleë by die TC Newman Daghospitaal.
Hierdie is die eerste van verskeie spesialisklinieke wat na Paarl Hospitaal sal skuif na die uitbreiding van die gebou, om dienslewering aan die gemeenskap te verbeter.
Dit sal verhoed dat kliniese personeel van een inrigting na ’n ander moet reis, en sal dus tyd bespaar.
Pasiënte word daaraan herinner dat die spesialiskliniek se dienste per afspraak is, en nie ’n gratis diens is nie. Pasiënte moet hul ID boekie, kliniekfooi, bewys van inkomste, mediese fondskaart en Allpay-kaartjie (staatspensionarisse) saambring.
