Blues eindig op hoë noot
2009-06-11
LAER PAARL se eerste rugbyspan het in die eerste ronde van die Paarl Streekkompetisie op ’n hoë noot geëindig toe hulle met 39-0 afgereken het met Pêrel United. In ’n wedstryd wat veral deur Laer Paarl (Blues) se agterlyn gedomineer was, was vyf van die wenspan se agt drieë deur agterlynspelers gedruk. Die name van Lee Blane (heelagter, 2 drieë) en Bronwill Kika (vleuel, 1 drie) verdien spesiale melding vir hul skitterspel. Met ses wedstryde gewen uit nege, is die Blues slaggereed vir die tweede ronde van die liga. Die tweede span het met 30-5 geseëvier en die derde span het met 7-14 die knie gebuig. * Blues hou Saterdag ’n hoenderbraai teen R25 ’n bord
More
News
|
