DIE Kankervereniging van Suid-Afrika (KANSA) hou ’n “Mansgesondheid”-veldtog om ’n groter bewustheid van prostaat- en testiskanker onder mans te skep.
Prostaatkanker is die algemeenste kanker onder Suid-Afrikaanse mans, behalwe velkanker. Vanaf ouderdom 40 behoort elke man jaarliks ’n digitale rektale ondersoek te ondergaan.
KANSA bied in samewerking met Pathcare spesiale tariewe gedurende Junie en Julie vir PSA bloedtoetse. Toetse word teen R65 aangebied.
Mans kan tot 31 Julie bloed laat trek by Paarl Pathcare Lab (021-872-5158), in Wellington by drs Portwig en Pienaar se spreekkamers (021-873-1057) en in Franschhoek (021-876-2304).
KANSA Wellington sal uitslae aan alle kliënte terugbesorg.
Vir meer inligting, kontak Barbara Williams van KANSA by 021-873-6358.
