’n PAARLSE stadsraadslid, Joan Pegram (66), is Dinsdagaand in Tygerberg Hospitaal oorlede aan nierversaking as gevolg van suikersiekte.
Raadslid Pegram was tien jaar raadslid vir Wyk 13 (Amstelhof), die laaste jare as deel van die ANC.
Sy laat haar man, Dennis, vier kinders, 11 kleinkinders en vier agterkleinkinders na. Die begrafnis is Saterdag 27 Augustus om 09:30 by die huis, en 10:30 uit die Ware Evangelie Kerk.
