Man sterf in rivier
2005-08-18
NADAT die liggaam van ’n Paarliet Sondagoggend in die Hugo’srivier in Paarl-Oos ontdek is, is aanvanklik gemeen hy het gewelddadig gesterf.
Inwoners het Griffith du Preez (45) van Swaweltjiestr 204, Amstelhof, laatoggend op sy rug in die sterkvloeiende rivier gesien lê en die polisie ontbied.
Beamptes moes oor tuinmure klim en teen die steil graswalle afklouter om by die digbegroeide rivier te kom.
Met die na-doodse ondersoek is vasgestel dat hy weens ’n epileptiese aanval gesterf het.
Du Preez word oorleef deur sy vrou Marie en seun Gershwim (13). Hy was jare lank ’n messelaar totdat die epilepsie veroorsaak het dat hy nie meer kon werk nie, sê sy eggenote.
Sy het hom die Saterdag laas gesien en was heeltemal onvoorbereid op die skoknuus van sy dood Sondag.
* The body of a Paarl man who died of epilepci was found in a river.
More
News
|
