EK skryf die brief met baie hartseer en woede en ook namens al die moeders wat ook sukkel.
Ek het op 7 Januarie vanjaar by die Departemente Arbeid aansoek gedoen vir my kraamverlofgeld.
Op die dag van my aansoek is daar vir my gesê ek sal binne die volgende ses tot agt weke ’n brief in die pos kry wat sê dat my aansoek goedgekeur is en dat my geld uitbetaal gaan word.
My babaseuntjie is nou al 17 weke oud en ek wag nog steeds vir my geld. Dit is nou al byna ses maande.
As jy hulle bel word jou identiteitsnommer gevra en elke keer word daar net gesê “Not yet approved”. Ek was al hoeveel keer by hulle en elke keer word daar net vir my dieselfde storie oorvertel.
Paarl moet vir die Bellville-tak ’n e-pos stuur en navraag doen oor jou geld. As jy na Bellville-tak bel, word daar ook elke keer dieselfde storie vir jou vertel.
As jy by hulle kom in die Paarl is daar net een persoon wat help, maar daar loop drie tot vier persone rond wat staan en gesels of wat vir twee ure op “lunch” gaan!!
Ek het 3 Junie weer die Bellville-tak gekontak en daar is vir my gesê; Paarl het nie al my inligting vir hulle deurgestuur nie, so my geld kan nie uitbetaal word nie. Dit beteken daar is van my dokumente wat verlore geraak het. Paarl is ’n doodloopstraat.
Ons is geregtig op daardie geld! Dit is veronderstel om ons te help tydens ons kraamverlof, maar wat help dit ons kry eers ons geld ses tot agt maande later? Dan is ons klaar gesukkel
Yolande du Preez
Aziza Leitch, Regional Manager of the Department of Labour, replies: We have contacted Ms du Preez and have collected copies of her documents from her home. This office has requested her employer to forward the amended UI 19 with Maternity Leave dates for Ms du Preez.
Upon receipt of the amended UI 19, the date will be captured and the Processing Office will be informed that payment must be assessed and approved.
Queries from applications from members of the public can be sent to gielie.germishuizen@labour. gov.za or eunice.bomvana@labour.gov.za or phone 021-872-2020.
