VIR wie wil Deetlefs du Toit skiet? Om ’n man in khaki met ’n geweer wat na my (as leser) ‘korrel’ op die voorblad van ’n gemeenskapskoerant te sien, is in dié tyd en dae totaal onaanvaarbaar.
Is dit die voorbeeld wat lede van ons hoogste gesaghebbende struktuur dien, vir ons stel? Dis duidelik dat hierdie man nog terugverlang na ’n tyd toe mense kon jag maak op ander.
Wat ook ontstellend was, is die feit dat die Paarl Post elektronies beskikbaar is. Wat dink die wêreld van ons as inwoners van hierdie pragtige Vallei? Dat ons agterlik is? Dat hulle bedreig moet voel hier?
Ek vertrou dat die Paarl Post ons tog nie weer so in die verleentheid sal stel nie. Julle is tog nie deel van die ‘Geel Pers’ nie, of hoe?
Jacques Diedericks
