Gesoek: Wellingtonner van die jaar
2009-07-02
DIE Wellington Rapportryers bied vanjaar weer die swierige funksie aan waar die Wellingtonner van die Jaar aangewys word. Hierdie funksie vind vanjaar plaas op 30 September op die plaas Diemerskraal. Dit beloof om ’n aand sonder gelyke te wees, aangesien daar nie vanjaar ’n gasspreker sal wees nie, maar wel ’n gaskunstenaar. Ten einde die aand ’n sukses te maak, word die publiek versoek om teen 31 Julie nominasies vir hierdie besondere toekenning in te dien. Die nominasie moet die volgende inligting bevat: * Volledige naam en van van die genomineerde. * Die volledige naam en van van die nomineerder. * Volledige uiteensetting van die genomineerde se betrokkenheid by die gemeenskap van Wellington, aantal jare woonagtig in Wellington, kontakbesonderhede vir verwysing en die nagaan van die korrektheid van inligting. * Duidelike uiteengesette motivering vir die nominasie van die genomineerde. Die nominasie moet gestuur word aan Die Voorsitter, Wellington Rapportryerskorps, Posbus 701, Wellington, 7654 of e-pos aan johann @andrewmurray.org.za.
More
News
|
