Wiele onregverdig geklamp
2009-07-16
Ek het onlangs op Van der Lingenplein in die Paarl geparkeer, en toe ek by ’n kuierplek uitkom half agt die Saterdagaand, was my wiele geklamp. Ek was baie ontstoke, omdat ek ’n jaar gelede op dieselfde plek geparkeer het, en daar was geen probleem nie. Daar is aan my verduidelik dat die staanplek voor die parkeerbeheerkantoor nou vir die polisie gereserveer is, maar ek het die bordjie nie raakgesien nie. Ek het geweier om die boete van R200 te betaal en dit het in ’n lelike rusie ontaard en die eienaar van die kuierplek moes ingryp. Ek wil aanbeveel dat daar duidelik met wit verf op die betrokke staanplek se oppervlak aangedui word dat dit gereserveer is vir die polisie. Ook die verf op die staanplekke vir gestremdes is dofgeel en onduidelik en kort wit verf. Dis verkeerd om die publiek tot misdadigers te maak oor ’n parkeerplek wat nie na ure gebruik word nie. Ontstoke
More
News
|
