MEVROU, u het my Saterdagoggend om 07:00 op die Markstraat-brug in die Paarl raakgery. Ek skryf hierdie brief aan u om u weer bewus te maak van fietsryers.
Die man wat agter u gery het, mevrou, het gestop en na my welstand verneem.
U mevrou, het nadat u my gestamp het, net weggery.
Ek is jammer dat u motor se linkerkantspieël in die slag gebly het. Gelukkig is dit minder werd as ’n mens se lewe.
