Ons woonbuurt word erg verwaarloos
2009-07-23
ONGEVEER 35 jaar gelede is ons hier in Waterbokstraat, Paarl-Oos, geplaas. Sedertdien het ons die huise gekoop en dus belastingbetalers geword soos die bewoners aan die westekant van die rivier. Maar wat het hierdie munisipaliteit oor die jare vir ons gedoen? Daar word altyd voorgehou dat daar nie geld is nie. Daar is egter geld om reeds bestaande parkeerareas soos Jan Phillipsplein te herteer. Oor ’n tydperk van 35 jaar is hier net vier spoedwalle in ons straat aangebring. Sypaadjies is nog nooit geteer nie. Nou in die winter kan ons nie daar loop nie, want dis net modderplasse oral. In die straat kan ons ook nie loop nie, want die reënwater stroom die straat af weens die onvoldoende dreineringstelsel. Ons raadslid sien ons nooit om ons lot te bekla nie. Sy woon nie in hierdie gebied nie en het nog nooit met ons ’n vergadering belę nie. Sy kom net sover as die “containers”. Moet ons dan nog wag tot die volgende verkiesing en dan weer met beloftes van dienslewering mislei word? Ons is bitter teleurgesteld! JA Adams
More
News
|
