WAT ’n belewenis was die derby tussen New Orleans en Klein Nederburg verlede Saterdag nie!
As ouer en trotse oud-leerder wil ek net noem dat die verrigtinge voor die hoofwedstryd baie emosioneel was en dat dit voorwaar baie goed georganiseerd was, danksy die steun van groot borge.
Geluk aan Klein Nederburg met hulle oorwinning en aan my span New Orleans – laat ons die skool se leuse uitleef: “of ons werk of speel of leer ons beste sal ons gee.”
Dankie vir die rugby, maar nou is dit terug na die skoolboeke.
Alle voorspoed aan al die matrikulante van die skole - mag dit goed gaan met dié wat goed voorberei.
Cheron le Roux
