DIE Wellington-tak van die ATKV se 12de Weskus Blommetoer vind vanjaar plaas op Saterdag 5 September. Die bus vertrek om 07:30 vanaf Hugo Rust Laerskool, Wellington.
Op pad word daar aangedoen by die orgideëplaas buite Darling en by Langebaan is daar gewoonlik pragtige blomme te sien.
’n Heerlike Weskus-middagete in Saldanha is ingesluit voordat die groep oor Hopefield terugry. Enkele kaartjies teen R130 is nog beskikbaar by Musiklood, Paarl, of skakel Hentas Kotze (083-309-7411) of Hanlie Smit (083-417-8948).
