DIE Le Roux-bond hou op Donderdag 24 September sy jaarlikse Erfenisdag saamtrek in die Paarl op die terrein van die KWV geleë op die ou Le Roux familieplaas, La Concorde.
Die verrigtinge begin om 10:00 waarna die familie erfenisgoed sal deel en saam sal kuier om familiebande te versterk. Verversings sal voorsien word en alles is gratis.
Om 12:20 verdaag almal vir ete (eie rekening) na die Heinz Emporium by die Faurestraat-stadion, waar kos en vermaak as deel van Cultivaria aangebied word.
Toegang is ingesluit by die toegangskaartjie van enige Cultivaria vertoning, andersins is dit R40 per persoon.
Skakel met ds Niël le Roux voor 20 September by 021-558-2900 of SMS na 073-321-4750 om bywoning te bevestig en vir meer inligting.
