LIEFHEBBERS van musiek en sang kan hulle maar solank gereed maak vir hoë temperature op 25 Oktober.
Die kwik beloof om drasties te styg wanneer die US Woordfees se Koorsig-koorfees vir die tweede keer plaasvind op Stellenbosch.
Twintig gemeenskaps-, kerk- en skoolkore, insluitend die Frank Pietersen volwasse koor, trek saam in die Konservatorium se Endlersaal vir ’n onvergeetlike koorfees.
Daar word nie alleen ’n wenkoor aangewys nie, maar ook meriete-toekennings gemaak.
Koorsig word gratis aangebied en enige lid van die publiek is welkom. Vir meer inligting, kontak Cornelia Faasen by 083-747-5797.
