Wellington skop seisoen goed af
2009-10-15
DIE Bella Roma Wellington-CPUT Krieketklub, het Saterdag die Boland Premier Krieketliga goed afgeskop met ’n oorwinning oor Vredenburg/Saldanha, in Vredenburg. Wellington het 204 lopies in hul toegelate boulbeurte aangeteken, vir die verlies van slegs twee paaltjies. B Williams (65, beseer uitgetree), W Groeneveld (70*) en C Schreuder (38*) was die besoekers se beste kolwers. Wellington het, op hul beurt, hul opponente uitgehaal vir 159 lopies. Wellington se beste boulers was J Strydom (2/19 in 6 beurte), C Abrahams (3/35 in 8 beurte) en I Opperman (3/39 in 8 beurte). Wellington I wen dié wedstryd dus met 45 lopies. Wellington II het hul eerste wedstryd van die seisoen, teen Young Peoples II te Pen Basson-velde, met ’n wen van 27 lopies afgeskop. Met die hulp van Marchand Genis (131; 16x4) en Cedric Williams (39; 5x4), kon Wellington 223/8 opstapel. Tom-Ross Fortuin (40; 6x4, 1x6) en en Garren Fortuin (19, 3x4) was Peoples se beste kolwers. * Saterdag speel Wellington I tuis teen Paarl-Oos I, Wellington II weg teen Drakenstein Edu I terwyl Wellington III weg speel teen Paarl IV.
More
News
|
