OP 31 Oktober smelt Marissa, ’n bekende naam in Paarlse musiekkringe, en die musiekgroep World@South saam vir Romance and Irish Coffee, wat beloof om ’n eksotiese reis te wees tussen kontinente met ’n romantiese aanraking daarby.
Die optrede vind plaas by die Breytenbach-sentrum in Wellington.
Ná Marissa haar B.Mus graad in 2006 voltooi het, keer sy terug na haar geboortedorp om musiek te gee by die Hoër Jongen- skool. Sy begelei haarself op die klavier en skryf ook haar eie liedjies. Marissa se musiek word beskryf as romantiese ballades en liedere oor ervarings.
World@South bestaan tans uit drie dinamiese musikante, naamlik Dirkie van Staden (kitaar), Roelof Swart (viool) en Diane Koen (perkussie en stem).
Kaartjies teen R50 moet vroegtydig bespreek word by 083-413-0119.
