Krieket-flitse
2009-10-22
KLUB-UITSLAE
* Young Peoples (147) se derde span het in hul eerste wedstryd van die seisoen vir Northdene op Kraaifontein met 26 lopies geklop. Peoples se kaptein, Stanton Kamalie (19, 2x4), en Charlin Williams (22, 3x4) goed gekolf. Peoples het gaan veldwerk doen en skitterende veld- en boulwerk het die Tiere hul oorwinning besorg deur die tuisspan vir slegs 121 lopies uit te boul. Die nuweling Kurt Festus (4/19 in 6bb) en Jermaine Buys (4/16 in 9bb) was absoluut fantasties met die bal vir Peoples. Die tweede span het die liga-punte op ’n skinkbord gekry toe hul opponente, Franschhoek KK, nie ’n span in die veld kon stoot nie. Peoples II speel eerskomende Saterdag tuis teen Drakenstein EDU KK. Peoples III speel weg teen Stellenbosch/Distrikte.
KLUBWEDSTRYDE
(24 Oktober): Bergrivier I speel weg teen Vredenburg/Saldanha; Paarl KK I speel tuis teen Piketberg; Paarl-Oos I speel weg teen Worcester; Wellington I speel tuis teen Noord Boland; Young Peoples speel weg teen Malmesbury. (25 Oktober): Bergrivier I speel weg teen Piketberg; Paarl KK I speel tuis teen Vredenburg; Peoples I speel weg teen Noord Boland.
SKOLEKRIEKET
(o.19A): Hoër Landbouskool Boland (114) het Saterdag op hul tuisveld vasgeval teen Paul Roos Gimnasium (130). Craig Welgemoed (4/34) en Jason Thiart (3/25) was Landbouskool se beste boulers. HJS (93 lopies) het Saterdag teen alle verwagtinge met ses paaltjies vasgeval teen Hoërskool Strand (96/4). HJS se beste kolwer was Leon le Roux (40). (o.15A): Boland Landbouskool het vir Klein Nederburg Sekondêr met 130 lopies geklop. (o.14A): Worcester Gim het vir Hoërskool Hugenote met 216 lopies verslaan.
More
News
|
