Paarl-Oos trap Wellington
2009-10-22
DIE eerste krieketspan van GMT Paarl-Oos het Saterdag met 7 paaltjies geseëvier teen Bella Roma Wellington-CPUT Krieketklub. Die lootwenners, Paarl-Oos, het besluit om eerste te boul, en die manne van Wellington uitgehaal vir 133 lopies. M Genis (45 lopies) was Wellington se beste kolwer. Paarl-Oos se beste boulers was Elroy Abrahams (4/11) en Waylin September (3/40). Wellington se boulers, met Johan du Plessis (2/23) aan die spits, kon slegs 3 paaltjies van Paarl-Oos plat trek. Paarl-Oos se beste kolwers was Bjorn Hollenbach (57*) en Waylin September (42). Paarl-Oos II het vir Malmesbury met 51 lopies gewen. Roger Cupido (78) en Werner Erasmus (38) was die beste kolwers en Wilton Vanneel (4/30) die beste bouler. Wellington II (207 lopies) het vir Drakenstein Edu I met 127 lopies afgestof, met Jacques Beukes (27, 3x4), Shaun Cutting (60, 2x4 en 2x6) en Marnitz Phister (39, 4x4, 2x6) Wellington se beste kolwers. Wellington II het hul opponente uitgehaal vir slegs 80 lopies. Marnitz Phister (28/2), Gershwin Williams (17/4) en Peter Williams (5/2) was Wellington se beste boulers. Paarl-Oos III het met 209 lopies gewen teen Excelsior II. Dale Watts (85*) en Owen Alexander (40) het uitgemunt met die kolf. Roderick Allies (4/19) het goed geboul. Wellington III het met 3 paaltjies vasgeval teen Paarl-Oos IV . Wellington III se beste kolwer was Russell Warne (58). ) Paarl-Oos I speel Saterdag weg teen Worcester, Paarl-Oos II speel tuis teen Franschhoek I en Paarl-Oos III speel te Allandale teen Spes Bona II. Wellington I speel tuis teen Noord-Boland, Wellington II speel tuis teen Malmesbury en Wellington III speel Sondag tuis teen Van der Stel III.
More
News
|
