Wellingtonners weer kragloos
2009-10-29
WELLINGTONNERS was die meeste van Saterdag kragloos. Die krag was reeds vanaf 06:30 af, en die lig is eers weer om 15:30 gesien, net betyds vir die afskop van die Kavaliers se seëvierende wedstryd. Volgens ’n woordvoerder van die Drakenstein Munisipaliteit was die onderbreking te wyte aan ’n tegniese fout in die tydelike substasie van Eskom. Tegnici was vinnig op die toneel om die fout te herstel. Die tydelike substasie is verlede jaar tot stand gebring, nadat ’n brand die substasie in puin gelê het. Tans word die fondasies van die nuwe substasie gelê en bouwerk sal volgende jaar voltooi word.
More
News
|
