’n GOSPELFEES vir plaaswerkers word op Saterdag 7 November by die Kanonkop sportveld op die Klapmuts-pad (R44) buite Stellenbosch gehou.
Vanaf 12:00 sal daar speletjies wees met pryse te wen. Bring jou vleis, koeldrank en eetgerei en kom braai saam. Koeldrank, chips, lekkers, hotdog-rolletjies, T-hemde, pette, boeke en CD’s sal te koop wees.
’n Prediker sal ook ’n kort boodskap bring. Vanaf 16:00 kan almal saam sing tot donker. Daar sal kunstenaars, orkeste en dansgroepe optree. Bring ’n kombers of jou stoel en sit op die gras. Daar is geen kostes aan verbonde nie, maar ’n donasie is welkom. Eie vervoer moet gereël word. Kontak Rachel Samuels by 072-278-0057 of Godfrey Arendse by 073-7314708.
