Violets bou voort
2005-09-01
DIE eerste span van Violets Paarl het Saterdag met mooi rugby hul naamgenote van die Kaap, Violets Kaapstad, 20-14 geklop.
Die wedstryd op Daljosafat het teen ’n vinnige tempo afgeskop en die toeskouers is getrakteer op goeie hardlooprugby deur albei agterlyne.
Benewens ’n strafdrie, het Garwy Hendriks ook vir die tuisspan gedruk. Brandon Anderson was suksesvol met albei doelskoppe en twee strafskoppe.
Die kaptein, Hamly Marquard, se koelkop leierskap op die veld, het hom die speler van die wedstryd toekenning besorg.
Violets Paarl II en III het 20-0 en 15-0 gewen.
More
News
|
