’n NUWE fiksieboek uit die pen van die Paarlse leraar, ds Jaco Thom van die Toringkerk, het onlangs verskyn. Die boek is getitel Maria - die ma van God se Seun en die pad wat sy moes stap.
In dié nuwe boek word vertel van die ontwrigting in Maria se lewe sedert die dag wat die engel haar besoek het, en van die soms moeilike verhouding tussen haar, haar seun en sy broers en susters.
As ma moes sy alles in die stryd werp om haar gesin bymekaar te hou, en moes ook vrede maak met God se ingryping in haar lewe.
Thom is bekend vir sy topverkoper Die Bybelroman asook ander Bybelse fiksieboeke.
Die boek is uitgegee deur Carpe Diem.
