EK verstaan die frustrasie van “Baie ontstoke ma” wat kla oor ’n polisieman wat op Wellington onverskillig gery het en haar gesin in gevaar gestel het.
Ek sê ook dankie dat jy vrou genoeg was om die polisiestasie te besoek.
Dit is egter jammer dat die polisie aan diens nie die volgende inligting aan jou verskaf het nie: Dat jy die aangeleentheid departementeel kon laat ondersoek of (en dit behoort jy te weet) dat jy ook ’n kriminele klagte kon inbring.
Hoe jammer dan dat iemand nie jou besonderhede geneem en jou die volgende dag besoek het nie.
Jy kan steeds die stasiekommissaris oor die aangeleentheid spreek en dit is wat ek aanbeveel.
