Albions leer UWK 'n les
2005-09-01
DIE eerste span van Albions Rugbyklub het Saterdag vyf drieë ingeryg in sy 37-15 (12-3) weg-oorwinning oor die Universiteit Wes-Kaap.
Die flank Jenovan Cornelissen, wat die afgelope tyd beseer was, het die naweek sy terugkeer tot die span gemaak en was ’n ooglopende dryfveer onder die voorspelers.
Die agsteman, Morné Goetham, het weer eens baie balle in die lynstaan gewen en ook ’n bars gespeel in die vastelos.
Agterlangs was dit die twee Ashleys wat die UWK-verdediging aan die raai gehou het.
Ashley Raubenheimer (skrumskakel) en Ashley Manuel (heelagter) het albei goed vertoon.
Yulin Claasin (agsteman), Fharis Adams (senter), Manuel, Cornelissen en Dominic Daniels (vleuel) druk die besoekers se drieë, terwyl Jacques Hendricks die orige punte met sy skopskoen behaal.
Albions II speel 10-10 gelykop en Albions III verloor 15-6.
Saterdag sit die toeskouers weer bankvas op Daljosafat wanneer Albions en Young Peoples mekaar pak.
More
News
|
