Krieketspan van Laerskool Gimnasium vaar puik
2009-11-12
DIE o.13A-krieketspan van Laerskool Paarl Gimnasium het gedurende die Septembervakansie ’n suksesvolle kriekettoernooi te Kimberley (Laerskool Newton) beleef.
Hulle het die trofee in gepalm vir die beste beperkte boulbeurte-span. Dié span het ook onlangs hul jaarlikse interskole-krieketwedstryd teen Primêre Seunskool met 5 paaltjies gewen.
Die span bestaan uit Barnu Botha, Anrich Stoman, Leon Laubser, Edgar Beuthin, Taigh Schoor, Coenie Nel, Slabber la Grange, Wayne Jansen van Rensburg, Zandré de Koker, George Lourens, Johan Kemp en Hannes Venter.
Dié span se laaste wedstryd (Pro 20) vind 16 November by Hoërskool Paarl Gimnasium plaas (om 18:00) teen Laerskool Noord-Eind.
More
News
|
