Kavaliers pak Griekwas
2005-09-01
DIE Boland Kavaliers het Saterdag kwaai gesukkel teen die Vrystaat Cheetahs, maar sal hoop om dié naweek hul Curriebeker-veldtog weer op koers te kry teen die Griekwas.
Die Wellingtonners kon nie die groot pak van die Cheetahs keer nie, met veral goeie dryfwerk wat die tuisspan van ’n 46-15 (10-5) sege besorg het.
Die Kavaliers sal beslis Saterdag se tuiswedstryd wil wen om hul hoop op minstens ’n plek in die halfeindstryd lewendig te hou.
Die Boland se gebrek aan ’n spesialis-skopper het Saterdag weer vir hulle by vier geleenthede van punte ontneem.
Die wedstryd begin om 15:00 op Boland Stadion. Voorwedstryde tussen die vrouespanne van die Boland en Grens (11:30) en o.21 spanne van Boland en die Valke (13:15) sal ook gespeel word.
Kaartjies is vooraf te koop by alle Shoprite/Checkers winkels.
More
News
|
