KOM maak Saterdag kennis met die voëls en die visse van die naghemel tydens ’n sterrekykaand by die Taalmonument.
Besoekers sal van 20:00 tot 22:00 deur teleskope na sterreformasies en ander interessanthede kan kyk onder leiding van die Orion Observasiegroep, ’n sterrekunde-klub van die Boland. Die aand begin om 18:00 met ’n piekniek. Besoekers mag hulle eie piekniekmandjies saambring of kan ’n mandjie saamstel vanaf Volksmond Restaurant se piekniekspyskaart by 021-863-2800. Kaartjies is R20 (R10 vir kinders) by 021-872-3441. Geen sterrekykaand sal plaasvind indien daar slegte weer is nie. Geen honde of vure word toegelaat nie.
