Bergrivier wen oortuigend
2009-11-19
DIE eerste span van Bergrivier Krieketklub het Saterdag teen Noord-Boland in Worcester met 9 paaltjies gewen. Die tuisspan het die loot gewen en besluit om eerste te gaan kolf. Noord-Boland (116/10) was vroeg met die rug teen die muur op 30/5, met Ryan Mouton (3/21) aan die spits vir Bergrivier. Mouton is goed bygestaan deur Fabian Arendse (2/28) en Ashwill de Vries (2/38). Die Wellingtonners se Darren Isaacs (72*, 11x4) het Noord-Boland se boulaanval aan flarde geslaan, met Morné Albanie (21*) die ander onoorwonne kolwer. Bergrivier I en II speel dié naweek onderskeidelik teen Worcester United (Sondag, tuis) en Wellington II (Saterdag, weg).
More
News
|
