Ou polisiestasie dalk ontwikkel
2009-11-26
DIE opgradering van die area op die hoek van Klein Drakensteinweg en Solomonstraat in Paarl-Oos waar die ou polisiestasie- en poskantoorgeboue is, sal begin sodra die koop en ontwikkelingsvoorstelle afgehandel is. Die area beslaan ongeveer 5000m². Die kanse is goed dat ’n totaal nuwe ontwikkeling daar sal verrys. Die geboue staan tans leeg. Die burgemeesterskomitee het vroeër vandeesmaand aanbeveel dat die proses kan voortgaan en dat ontwikkelingsvoorstelle nou ingewag word. Die Munisipaliteit voorsien dat dié ontwikkeling ’n munisipale betaalpunt, gemeenskapsaal, faktotumhuisvesting, kantore vir gemeenskapsorganisasies en beskikbare grond vir toekomstige behuisingsprojekte sal insluit.
More
News
|