Paarl-Oos vernietig Paarl in derby
2009-12-03
IN die groot Paarlse derby tussen Paarl Krieketklub en GMT Paarl-Oos krieketklub, was laasgenoemde se eerste span te sterk vir die tuisspan, op die Parys-veld. Paarl (97/10) het ’n reuse-pakslae gevat deur met 133 lopies vas te val. Paarl-Oos (230/10) se kaptein, Tiaan Cloete (94), het ’n prag-beurt gespeel wat 8 grenshoue en 2 sesse ingesluit het. Bruce Miller (25, 2x4) het ook sy deel vir Paarl-Oos met die kolf bygedra. Vir die tuisspan het Hilroy Paulse (6/33) en Lynal Jansen (2/18) paaltjies geneem en Godfrey Stevens (25, 3x4) en Lee-Roy Walters (23, 2x4) was Paarl se beste kolwers. Elroy Abrahams (2/12) en Cloete (3/8) het goed gevaar met die bal vir Paarl-Oos. * Paarl-Oos II (275) het met 27 lopies geseëvier teen Wellington II (247). Paarl-Oos se Wayne Jantjies (116, 9x4 en 7x6) was ongelooflik met die kolf, terwyl Garth Lewis (4/30) goed geboul het. Paarl II (190/5) het op hul beurt vir Drakenstein Edu I (189/9) op Hoërskool Labori se velde met 5 paaltjies getroef. Grant Croutz (67, 8x4) was Paarl II se beste kolwer. * Paarl-Oos III (125) het vasgeval teen Young Peoples III (165). * Paarl IV (109/10) het met 41 lopies verloor teen Drakenstein Edu II (150/10) op CPUT se velde in Wellington. * Saterdag speel Paarl I teen Bergrivier I op Parys A en Paarl II teen Wellington II op Parys B. * Paarl-Oos I speel teen Peoples I op Daljosafat en Paarl-Oos II speel teen Mbekweni II te New Orleans.
More
News
|
