EK is Woensdag 2 Desember ongeveer 05:30 van my fiets afgery regoor Goede Hoop Slaghuis in Hoofstraat, Suider-Paarl.
’n Motor se linkerspieël het my fiets reg onder die sitplek getref.
Onmiddellik was daar baie mense om my. Tot ’n jong vrouedokter, wie se naam ek nie kan onthou nie. Ek dink daar was ook ’n predikant.
Ek wil almal bedank vir julle blitsige optrede en hulp.
Ek is een van dié fietsryers wat baie versigtig ry en ook nie langs ander fietsryers ry nie. Ek vra dat motoriste asseblief meer oplettend moet wees en ruimte laat aan die kant van die pad vir ons fietsryers.
