EK was op Saterdag 28 November op my bromponie onderweg in Bergrivier Boulevard, Paarl, toe ek in ’n botsing met ’n voertuig betrokke was en beseer is.
Ursulla, baie dankie vir jou ondersteuning en flinke optrede op die ongelukstoneel, ook jou belangstelling en ondersteuning in die hospitaal en ook tuis.
Dankie aan dr Joubert by die trauma-eenheid by die MediClinic Paarl vir al haar deernis en mediese hulp. Alhoewel sy daardie dag onder geweldige druk was saam met haar personeel het sy nog steeds die beste diens gelewer as geneesheer.
Baie dankie aan ds Fanie Kriel en Bekker Nieuwoudt van die NG Strooidakgemeente vir die tyd wat julle vir my opgeoffer het om my op ’n Saterdag te besoek by die trauma-eenheid.
Ek wil ook graag vir konstabel Mohammed en die dame wat saam met hom in die betrokke skof was, bedank wat my geweldig tot hulp was. Ek glo die SAPD kan trots wees op sulke goeie diens.
Dankie ook aan die plaaslike taxidiens wat ’n staatmakervervoerdiens lewer.
Loraine Louw
