ORION die jagter en die jagtoneel is die tema van die volgende sterrekykaand by die Taalmonument op Saterdag 16 Januarie.
Gaste sal van 20:00 tot 23:00 deur teleskope na bekende konstellasies en planete kan kyk onder leiding van lede van OOG (die Orion Observasie Groep), ’n informele sterrekunde-klub van die Boland.
Die aand skop af met ’n piekniek vanaf 18:00. Besoekers kan hulle eie piekniekmandjies saambring of vanaf Volksmond Koffiewinkel se piekniekspyskaart bestel (021-863-2800).
Toegang is R20 vir volwassenes en R10 vir kinders. Bespreek by 021-872-3441 of 082-729-2716 (ook vir weernavrae).
Geen sterrekykaand sal plaasvind indien die weer sleg is nie.
Gaste word aangemoedig om verkykers saam te bring. Geen honde of vure word toegelaat nie. Daar sal veilige parkering en toegangsbeheer by die hek wees.
Vir meer inligting oor geleenthede by die Taalmuseum of Taalmonument, besoek www.taalmonument.co.za of skakel 021-8720-3441.
