ONS soek ernstig na sekuriteit. Huise word oopgebreek, kantore en store is geplunder. Waterpype en gereedskap, krane, hekke en ystertralies word uitgeruk, geute van ons huise gesteel.
Mense steel yster en ander metaal. Hulle neem dit na ’n skroothandelaar. Geen vrae word gevra nie.
In ’n kits is daardie metaal weg of onherkenbaar opgemors.
Geen vrae word gevra nie.
Die stelsel is so maklik vir die dief. Geen perke en geen ondersoek keer hom nie.
Dis so maklik - dit moedig diefstal aan. Dit is nou eintlik ’n beroep van diewe.
Ek voel dat mense hul identiteit en die bron van die metaal moet bewys aan kundige ondersoekers by skroothandelaars.
Ons kan dit nie langer ignoreer nie. Ons land moet dit beveg met kundige speurwerk.
Hier is tans misdaad op gruwelike skaal. Staan op om dit uit te wis.PK Schreve
