Paarl-Oos behaal goeie sege
2010-02-11
DIE eerste krieketspan van GMT Paarl-Oos het die afgelope naweek terug op die wenpad gekom met ’n uitstekende agt-paaltjie oorwinning oor Hermanus, op laasgenoemde se tuisveld. Ná Hermanus slegs 173/7 kon behaal, te danke aan goeie boulwerk deur Paarl-Oos se Waylen September (2/34), kon die besoekers gemaklik 175/2 behaal. Paarl-Oos se kolwers wat geskitter het, was Tiaan Cloete (60*, 6x4 en 1x6), Morne de Vries (82, 10x4) en Kurt Julius (25, 3x4). Paarl-Oos se tweedes (208/7) het hul eweknie van Paarl Krieketklub (207/4) met drie paaltjies verslaan. Paarl-Oos se beste bouler was Roger Cupido (2/35) met Wilton Vanneel (57*, 5x4 en 2x6) die beste kolwer. Paarl-Oos III het vasgeval teen Drakenstein Edu II. Eerskomende Saterdag speel Paarl-Oos I teen Paarl I (New Orleans), Young Peoples II speel teen Paarl-Oos II (Dal) en Paarl-Oos III speel teen Oostelikes IV (Allandale). Sondag speel Paarl-Oos I weg teen Vredenburg/Saldanha.
More
News
|
